Davao City – Apektado ang pipila ka tag-iya og karenderya human nga nag-abiso ang Department of Energy (DOE) nga dunay pagsaka sa presyo sa LPG sugod Disyembre 1, 2022.
Sa interbyu sa DXDC RMN Davao kang Marry Rose Panuwayan, tag-iya og karenderya sa Bonifacio St., Brgy. 33-D, usa sa ilang diskarte mao lamang ang pagdaginot og gamit sa LPG ug dili daghanon ang lutuon tungod sa taas nga presyo niini.
Segun ni Panuwayan, dugang gasto ang usbaw sa presyo sa LPG sa iyang karenderya diin adunay tulo ka LPG ang iyang gigamit sa pagluto sa matag adlaw.
Sugod karong adlawa, madugang sa presyo sa LPG ang P2.5 per klg. diin sa pagkakaron anaa sa 800-1,090 pesos ang presyo sa LPG depende sa brand ug klase.
RadyoMaN Don Pulayao
Facebook Comments
