Gindakop sang mga katapo sang Pontevedra Police Station ang mga Locally Stranded Individuals (LSI) nga gikan pa sa banwa sang Concepcion probinsya sang IloIlo nga nagsakay sa bangka kag nagdungka sa Edith beach resort, purok Masaga, Brgy. Miranda, Pontevedra, Negros Occidental.
Sa pag usisa sang mga Pulis naghalin sila kaina sang aga Hulyo 28, 2020 sa Concepcion kag nag abot naman sa higad sang baybayon sa Miranda sang hapon apang bangud sang pag panugid sang pila ka mga concerned citizen sa otoridad tigayon ini sila nga nadakpan.
Sang gin usisa kun bala may mga papeles ini sila nakit an nga expired na ang ila mga dokumento para makabyahe.
Ang mga LSI ang magapauli kuntani sa Brgy. Antipolo, Pontevedra.
Gilayon naman sila nga ginpangdala sa Rural Health Unit sang banwa para sa proper disposition pag paidalum sa swabtest kag quarantine.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
