LtCol. Divina Grace Yu milingkod na isip bag-ong battalion commander sa 901st Ready Reserve Infantry Battalion

40

Pagadian City -Pormal ng giturn-over ngadto kang LtCol. Divina Grace Yu ang Command of Responsibility isip bag-ong battalion commander sa 901st Ready Reserve Infantry Battalion dinhi sa probinsya sa Zamboanga del Sur alas 10 sa buntag kaniadtong Sabado sa Megayon Hall, Dao Sports Complex dinhi sa syudad.
Kinasingkasing nga gidawat sa Congresswoman ang katungdanan isip bag-ong battalion commander puli kang LtCol Moises Glen Tangalin.
Ang aktibidad ang gitambungan ni 1st Infantry (Tabak) Division commander Maj. Gen. Roberto Ancan, Governor Victor J. Yu, mga mayor, 53rd IB Battalion Commander Lt Col. Marlowe Patria, 5IB Battalion Commander Lt. Col De Leon, 547 Engineering, mga organic ug mga reservist.
Ang 901st Ready Reserve Infantry Battalion ang magsilbing reserba sa kasundaluhan sa panahon nga adunay gyera, katalagman o kalamidad. Pagatutukan usab sa batalyon ang pagbansay ug pagpangandam sa tibook pwersa arun andam kini kanunay sa pag-abag sa kasundaluhan.
Gawas niana, usa usab ang 901st Ready Reserve Infantry Battalion sa magpahigayon ug community development works ug outreach programs.
(Photo credit to 53rd Infantry “Matapat” Battalion)

Facebook Comments

From Advertisers