Bukidnon – Nagpahimangno ang Land Transportation Franchsing and Regulatory Board kon LTFRB 10 sa publiko nga likayan ang pagsakay sa mga kolurom nga mga sakyanan.
Sa interview sa RMN ngadto kang Regional Director Allan Guro, gibutyag niini nga angayang likayan ang pagsakay sa mga walay prangkisang sakyanan tungod kay kung adunay disgrasyang mahitabo dili gayod kini matabangan ug walay ma-claim gikan sa ilang buhatan tungod kay walay insurance.
Ilabina nga gipalikay sa LTFRB ang pagsakay ug mga van nga daghan na nga nagbiyahian sa Bukidnon.
Samtang nagpahimangno usab ang mga otoridad sa mga drayber nga kinahanglang mag-amping sa pagmaneho.
Sa interview sa RMN ngadto kang PO1 Kevin Abendan ang traffic investigator gibutyag niini nga mas maayong e-check una ang break sa sakyanan sa dili pa mobiyahe aron malikayan ang disgrasya ug walay mga kinabuhing madamay.
