Maga-sugod subong nga adlaw ang paglibot sang Land Transportation
Franchising and Regulatory Board Regional Office 6 sa mga terminals sa
palibot sang Rehiyon 6 may kaangut sa preparasyon sa pag-selebrar sang
Semana Santa subong nga tuig.
Suno kay LTFRB 6 Regional Director Richard “Richie” Z. OsmeƱa particular
nga pagabantayan nila ang overloading sa mga public transport, colorum
vehicle, overcharging sa mga terminal kag road worthiness sang mga salakyan
nga magabiyahe.
Dugang pa ni Dir. OsmeƱa nga wala na sang ma-leave kag ma- day off sa iya
mga tinawo umpisa subong nga adlaw tubtob sa masunod nga semana para
magbantay ilabi na nga ginala-uman pagdugok sang mga pasahero nga
magapadulong sa nagkalain- lain nga bahin sang Western Visayas.
Sa pihak sini indi naman madamo ang reklamo sa mga isnabero nga driver
ilabi na sa taxi nga ginpahayag sini friendly sa pasahero kon ikumparar sa
iban nga syudad sa pungsod.
Suno pa kay Dir. OsmeƱa nga bukas ang ila talatapan sa pagbaton sang mga
reklamo batok sa mga salawayon nga mga driver kag operator nga magbayolar
sang laye.
