Gin-ako ni LTFRB 6 Director Richard Osmeña nga maapektuhan ang mga pasahero nga magabiyahe sa semana santa matapos gin-suspender sini ang prangkisa sang Ceres nga may ruta Iloilo-Antique-Caticlan kasunod sang aksidente sa Hamtic, Antique sang damlag lang.
Suno kay Osmeña nga ginpapanaug niya ang suspension order batuk sa nasambit nga ruta sang Ceres agud hatagan ligwa ang hilway nga imbestigasyon sa insidente.
Ginpaathag sang Regional Director nga 30 ka adlaw ang iya ginpapanaug nga suspension order kag indi niya ini mahimo bawion magluwas lamang kon imandu sang LTFRB Central Office nga i-lift niya ang suspension order.
Madumduman nga na-involve ang isa ka bus sang Ceres sa aksioden te sa Hamtic , Antiue kon sa diin nahulog ini sa pil-as sa bukid nga bahin sang barangay Igbucagay nga nagresulta sa kamatayon sang tatlo ka pasahero kag pagkapilas sang pito pa ka iban lakip na ang driver kag konductor.
