Davao City – Nanawagan karon ang Land Transportation Franchising and Regulatory Board (LTFRB) sa mga pamilya o kabanay sa mga mipanaw na nga mga operators nga ipahibalo kini sa ilang buhatan.
Sa pakighinabi sa DXDC RMN Davao kang Atty. Cattleya Acaylar, ang Regional Director sa LTFRB-XI, gibutyag niini nga aron ma-ilisan ang pangalan sa franchise, angay kining muadto sa ilang opisina aron ma-transfer ang Certificate of Public Convenience (CPC) sa mipanaw na nga operator.
Sigun ni Acaylar nga kinahanglan lamang mag-file og petition for change party applicant sa ilang opisina aron maka-schedule og hearing ug hingpit nga mabalhin ang pangalan sa franchise.
Dugang pa sa opisyal nga alang usab sa mga operator nga anaa sa abroad, mamahimo lamang nga mag presenta og Special Power of Attorney (SPA) aron maka proseso kini sa mga anaa dinhi sa Pilipinas.
RadyoMaN Kirby Manzon
