TACLOBAN CITY – Mas ginpakusog pa han Land Transportation Franchise and Regulatory Board (LTFRB) Region 8 an ira Anti-Kolorum operation matapos nga manduan ni Presidente Rodrigo Duterte nga dakpon an tanan nga mga kolorum nga sarakyan o an mga illegal nga nag-ooperate nga mga sarakyan ha bug-os nga nasod matapos nga maaksidente an Dimple Star Bus ha Mindoro nga may 19 nga patay.
Sumala kan Mel Llorono, Public Information Office han LTFRB, malibot an buhatan ha bug-os nga Rehiyon Otso agud istrikto nga mandakop ha mga kolorum nga mga sarakyan.
Pagklaro naman han opisyal, antis pa an kamanduan ni Pres. Duterte in nagdudumara na daw an LTFRB hin anti-kolorum operation kada semana.
Ha datos han LTFRB tikang Enero-Pebrero yana nga tuig in mayda na hira nadakop nga 180 nga mga kolorum nga mga sarakyan pero kun kolorum nga bus an pag-iistoryahan in waray pa may nadakop an LTFRB yana nga tuig.
Kampante naman an LTFRB nga diri matatabo ha Region 8 an aksidente ha Mindoro tungod nga ginhihimo daw nira an ira trabaho.
