Davao City – Gisugdan na sa Land Transportation Franchising and Regulatory Board (LTFRB) ang pagtunol sa Fuel Subsidy o Pantawid Pasada alang sa mga operator sa mga pampublikong sakyanan sa tibuok Pilipinas, tumong niini nga makatabang sa mga stakeholder sa natad sa transportasyon nga nag-atubang sa problema sa padayong pagsaka sa presyo sa mga produktong petrolyo.
Sa rehiyon onse, laumang ihatag sa LTFRB XI, ang subsidiya alang sa 15,000 ka mga benepisyaryo, apan naghulat pa sa mando gikan sa central office, kung kanus-a ihatag ang maong financial aid.
Lakip sa mga kwalipikadong benepisyaryo nga mamahimong makadawat sa P10,000 Fuel Subsidy, ang operators sa Modernized Public Utility Jeepney (MPUJ) ug Modernized Utility Vehicle Express (MUVE).
Laing P6,500 usab alang sa Traditional PUJ, Traditional UVE, Public Utility Buses (PUB), Mini-Buses, Taxis, Shuttle Services Taxis, Tourist Transport Services, Transport Network Vehicle Services , School Transport Services ug Filcabs. Samtang P1,200 sa Delivery Services, ug P1,000 alang sa Tricycles.
RadyoMaN Ivy Parido
Facebook Comments
