Davao City – Gikumpirma ni Nonito Llanos, Regional Director sa Land Transportation Franchising and Regulatory Board (LTFRB-Xl) human nahinabi sa DXDC RMN Davao nga aduna nay gitagana nga pundo alang sa fuel subsidy sa mga drayber ug operators sa mga pampublikong sakyanan sa tibuok Davao Region.
Segun ni Llanos, 15K ka mga operators o mga benipisyaryo ang makadawat sa maong fuel subsidy apan wala pay mando gikan sa central office alang sa pag release sa maong ayuda.
Gidugang niini nga nasumite na tanan listahan sa mga pangalan sa operator ngadto sa central office ug ginahulatan nalang ang schedule sa pag release.
Sumala sa opisyal, ilawom sa programa sa LTFRB-Xl makadawat og fuel subsidy sa kantidad og 10k ang modernize utility jeep ug van samtang ang PUV, bus og jeep makadawat og 6,500.00.
“Ang amo lang hangyo nga ato lang taas tasan ang atong pasensya gamay andam na, duna nay budget aning programaha. Mohangyo lang ko ninyo nga maghulat ta og mga announcement sa pag release sa maong ayuda,”sulti ni Llanos.
RadyoMaN Don Pulayao
Facebook Comments
