Davao City – Nagsugod na ang Land Transportation Franchising and Regulatory Board (LTFRB-XI) pagpanakop sa mga bus nga nagapasakay gihapon og mga pasahero sa bus stops luyo sa pagsuspende niini.
Sa abiso ni Atty. Nonito Llanos III, LTFRB-XI Regional Director pinaagi sa ilang Facebook page, gipasabot niini nga ilang gipahugtan ang pagpatuman sa direktiba human sa mga insidenteng pagpamomba partikular na sa Koronadal City, South Cotabato ug sa Basilan.
Ang masakpang magpasakay sa bus stops multahan og P5, 000 alang sa first offense; 15,000 sa second offense ug pag-impound sa unit alang sa third offense.
Una nang gipanawagan ni Aiza Usop, manager sa Davao City Overland Transport Terminal (DCOTT) ang kooperasyon sa publiko nga sa DCOTT mosakay ug kini temporary lamang samtang anaa pa sa red alert status ang awtoridad.
RadyoMaN Kirby Manzon
Facebook Comments
