Davao City – Padayong ginahulat sa Land Transportation Franchising and Regulatory Board (LTFRB-XI), ang Executive Order (EO) gikan sa City Government of Davao alang sa pag-require sa tanang Public Utility Vehicle (PUV) driver sa syudad sa drive-thru swabbing program.
Sa interbyu sa DXDC RMN Davao kang Mizarah Arraz, Administrative Officer V sa LTFRB-XI, gibutyag niini nga aduna nay advance advisory nga gipagawas ang buhatan alang niini pinaagi sa Office Circular No. 2021-04 apan wala pay kumpletong detalye alang sa maong direktiba.
“As of now wala pay complete details pa pud nga gihatag ang city kay wala pa na-finalize ang venue and ang date sa swabbing pero require gyud silang tanan (PUV drivers). As of now, wala pa pud nila gikuan (giingon) kung naay penalty,” saysay ni Arraz.
Matud ni Arraz, covered sa maong direktiba ang tanang PUV drivers sa dakbayan sama sa jeep, taxi, ug posibleng apil pa niini ang tricycle drivers ug riders sa delivery services.
Una niini gibutyag ni Ashley Lopez, City Health Office (CHO) head, nga ginaplanohan na ug ginaplastar na karon ang himuong drive-thru swabbing area sa Davao Crocodile Park alang sa mga PUV drivers.
RadyoMaN Kirby Manzon
