LTFRB-XI: Naka-claim sa 2021 fuel subsidy, 90% na

Davao City – Anaa na lang sa 10% ang wala naka-claim sa P6,500 fuel subsidy sa Land Transportation Franchising and Regulatory Board (LTFRB)-XI alang sa mga operator sa mga public vehicle sa Davao Region.

Sa pakighinabi sa DXDC RMN Davao kang Engineer Marie Jean Jaralba, Administrative Officer IV sa LTFRB-XI, iyang gibutyag nga as of August 31, 2023, sa Filcab, na-claim na ang 2,303 out of 2,617 cards; Taxi, na-claim na ang 4,971 out of 5,089 units; UV Express, na-claim na ang 452 out of 623, samtang 100% na ang na-release sa Public Utility Jeepney (PUJ).

“Kadtong wala pa naka-claim sa atong fuel subsidy program starting 2021, padayon pa gihapon ang atong pag-distribute sa mga card though ang uban dormant account na but then ang Landbank ato lang sultihan nga i-activate lang ilang card para mabalik tong ilang amount nga isulod sa ilahang card,” panawagan ni Jaralba.

Samtang, ginapaabot pa karon sa LTRFB-XI ang pag-release sa 2023 fuel subsidy sa mga operator, nga mamahimong solusyon sa padayong pagtaas sa presyo sa petrolyo karong panahona.

RadyoMaN Kirby Manzon