Davao City – Nagpagawas karon og kamanduan ang Land Transportation Franchising and Regulatory Board (LTFRB-XI) pinaagi sa Memorandum Circular 2020-017, ang pagpatuman sa Provisional Increase sa pletehan kung ipatuman na ang General Community Quarantine(GCQ) sa syudad sa Davao.
Unod sa Memorandum, ₱9.00 na ang plete sa unang upat ka kilometros ug dugang ₱1.50 sa mosunod nga kilometro.
Sumala ni Atty. Armand Dioso, Regional Director sa LTFRB XI, gihimo kini aron matabangan ang mga PUJ Drivers nga madugangan ang ilang kita labi na nga singkwenta porsyento (50%) lamang sa pasahero ang tugutang makasakay aron masunod ang physical distancing sulod sa mga sakyanan.
Dugang sa LTFRB-XI Director, una magpatuman sa usbaw sa pletehan, kinahanglan mokuha og special permit sa LTFRB-XI pinaagi sa online transaction ang mga operators.
RadyoMaN Renz Barbarona
