Davao City – Gi-require na sa Land Transportation Franchising and Regulatory Board (LTFRB) nga magbaton og igo nga ventilation ang tanang public utility vehicles (PUVs) terminals ug tanang PUVs nga nag operate sa syudad sa Davao.
Sa gipagula sa LTFRB-XI nga Office Circular No. 2020-59 nga pirmado ni Atty. Armand B. Dioso, LTFRB-XI Regional Director, gimando na nga magbaton og ventilation ang mga PUVs (PUBs, UVEs, Taxis, PUJs, FilCabs, Shuttle Services, Tourist Transport Services, ug uban pa’ng PUVs), ingon man sa mga transport terminals.
Mamahimong paandaron o kaha palongon ang air conditioning system apan kinahanglang abrihan ang tanang bintana sa sakyanan o sa lugar, diin kini usa sa mga measures aron kalikayan ang Coronavirus Disease 2019 (COVID-19).
Ang among circular epektibo gilayon ug padayon nga valid panahon sa General Community Quarantine (GCQ) o Modified General Community Quarantine (MGCQ).
RadyoMaN Kirby Manzon
