LTO 10 nagpahimangno sa existing traffic laws

Nagpahimangno ang Land Transportation Office kon LTO region 10 sa mga motorista nga sundon ang mga balaod adunay kalambigitan sa pagmaneho.

Ang pahimangno sa buhatan alayon sa subling pagsugod sa klase ning semanaha sa pampublikong tulunghaan.

Sa interview sa RMN Malaybalay ngadto kang LTO 10 Regional Director Oscar Salcedo gibutyag ninii nga usa sa balaod nga angayan tumanon ang Republic Act 10666 kun Childrens’ Safety Motorcycle Act of 2015.


Hinoon, aminado siya nga looy ang mga nagsalig lang sa motor tungod sa mao nga balaod apan angayan kining sundon.

Matud ni Salcedo nga base sa pagtoon kadaghanan sa mga bata kung dili pa maka-abot ang ilang tiil sa tumbanan sa motor ug dili pa maka-gakos sa driver mao kini ang daling malagpot.

Gawas sa maong balaod, nagpahinumdom usab ang LTO sa Republic 10054 kon Motorcycle Helmet Act of 2009.

Matud ni Salcedo nga gawas sa driver, gimanduan usab bisan ang mga backrider nga mag-helmet .

Giklaro usab ninii nga alang lang sa kaayuhan sa mga drivers ang tinguha sa maong mga balaod.

Facebook Comments