Sa interbyu sa RMN Davao kang Atty. Loida D. Igdanes, Chief of Operations sa Land Transportation Office XI, human sa gilusad nga moto priopio ug makuting imbestigasyon, 22 ka mga driver’s license holders ang girekomendar nila ngadto sa LTO head office alang sa revocation ug 14 kanila ang tanggalan gayod og lisensya.
Sa imbestigasyon, human madakpan atol sa operasyon sa LTO 11 nasayran nga gikuha pa ang mga lisensya ngadto sa laing rehiyon diin wala kini niagi’g saktong proseso.
Nasayran atol sa pagberipika sa ilahang system, ang mga violators walay Student Permit (SP).
Giangkon usab sa mga dinakpan nga giagi kini’g fixers aron mu-shortcut ug mapadali ang proseso.
Gibutyag ni Igdanes, adunay mga DL holders nga wala nag practical driving course, written examination ug ang uban nideretso og code 1, 2 ug 3.
Gipasabot niini nga kung na-revoke na ang lisensya sa usa ka drayber dili na kini makakuha pa og lisensya apan mamahimo kining muapilar kun musumite’g motion for reconsideration ngadto sa LTO head office.
RadyoMaN Aimee Guinita
