Atol sa flag ceremony sa Davao City Hall, gipanguluhan ni Niel Cañedo, LTO 11 Regional Director ang pagarangkada sa Road Safety and Road Crash Prevention Month karong bulan sa Nobyembre 2023.
Gilagdaan niadtong Oktobre 28,2019 ni kanhi Davao City Mayor ug Vice President Sara Duterte ang Proclamation No. 8 kun pagdeklara kada bulan sa Nobyembre nga Road Safety and Road Crash Prevention Month.
Subay niini matag ikatulong Dominggo sa Nobyembre ikomemorar ang World Day of Remembrance para sa mga biktima sa mga disgrasya sa kadalanan partikular na ang mga bata.
Segun ni Cañedo parte sa mga programa nga tun-an ang mga bata sa pagtabok ug paggamit sa pedestrian ug traffic lights.
Ang lokal nga panggamhanan sa Davao ug LTO 11 mutanyag og basic education ug public information may kalabutan sa road safety para masegurong makalikay sa aksidente ang mga pedestrian, riding public ug mga motorista.
RadyoMaN Aimee Guinita
