LTO- 6, ginahulat pa ang guidelines para sa pagpahanugot sa angkas sa motorsiklo!

Roxas City, Capiz- Ginpanindugan sang pamunoan sang Land Transportation Office(LTO)- 6 nga bawal pa ang angkas sa motorsiklo sa pihak ginpahayag ni DILG Secretary Eduardo Año nga ginatugotan na ang “angkas” para sa mga mag-asawa kag mag-live-in partners umpisa kahapon nga adlaw, Hulyo 10, 2020.
Sa interview sang DYVR RMN ROXAS kay LTO- 6 spokesperson Riza Otayde, sa subong wala pa sila sang nabaton nga guidelines nga ginapahanugotan ang “angkas” ukon backriding.
Kalakip sa dapat klaruhon suno diri amo nga kun ano ang pagasundon nga set-up kag kun ano nga mga dokumento ang kinahanglan nga dal-on bilang pamatuod nga mag -asawa ang nagasakay sa motorsiklo.

Facebook Comments