LTO ‘Bakasyon’ Tips giluwatan

22

Davao City – Nagpahinumdom ang Land Transportation Office (LTO) sa mga motorista o mga magmaneho og sakyanan nga sigurohong ma-check ang sakyanan ug kaugalingon ayha pa man mubiyahe labi na sa taliabot nga Semana Santa o sa bakasyon.

Sa pakighinabi sa DXDC RMN Davao kang Atty. Gomer Dy, Regional Director sa LTO-XI, gisaysay niini nga kinahanglang ma-familiar kanunay ang pag check sa BLOWBAGETS o ang battery, lights, oil, water, brake, air, gas, engine, tire, ug ang labing importante ang self o kaugalingon aron mamahimong luwas ang pagbiyahe.

“Sa atong mga drivers, mga motorista nasayod na man sila aning BLOWBAGETS, pero ang most important nga i-check nimo, imong kaugalingon,” segun niini.

Tambag usab sa LTO Regional Director nga dili na lang mubiyahe kung dili maayo ang kondisyon sa lawas aron kalikayan ang disgrasya sa dalan.

“Kung medyo lain ang paminaw sa imong lawas, ayaw nalang pag drive gyud. Mao nay importante kay ikaw nagdala sa timon sa sakyanan,” tambag niini.

Nanghinaut usab ang opisyal nga maselebrar ang Semana Santa dili lamang sa pagbakasyon kundi maselebrar kini isip “Days of Worship”.

RadyoMaN Kirby Manzon

Facebook Comments