LTO-Region 9 nipaklaro nga libre ra ang pagpailalom sa driver’s education sa mga mo-renew sa ilang lisensya

31

Pagadian City – Ginaplastar pa karon sa Land Transportation Office kun LTO-Zamboanga Peninsula Region ang ipatumang Republic Act (RA) 10930 diin ubos niini mao ang pwedeng pag-extend sa driver’s license ngadto sa (10) pulo ka tuig.
Sumala ni LTO IX Regional Director Mohammad Yusoph “Yull” Lamping, ang maong mando sugdan na unta sa rehiyon karong adlawa apan gumikan sa dugang pagpangandam gilugway ang roll out niini karong sunod semana Disyembre 6, 2021.
Ubos sa RA 10930, posibleng ma-extend ngadto sa 10 years ang validity sa driver’s license kung walay natala nga traffic violation record sa holder niini samtang magpabilin sa 5 years ang validity sa lisensya sa mga mag-renew nga dunay makit-ang traffic violation sa ilang record.
Una nang giklaro sa LTO nga libre ang pagpailalom sa Comprehensive Driver’s Education (CDE) sa LTO Driver’s Education Centers og dili kini dugang palas-anon sa katawhan.

Facebook Comments