LTO warning kontra bus nga nag violate sa balaud

22

Davao City – Gisugdan niadtong Dominggo sa Land Transportation Office (LTO-XI) ang ilang pag-inspeksyon sa mga pampasaheroang mga bus ug vans subay sa ilang gilusad nga Oplan Semana Santa Ligtas Byahe 2018.

Sa interbyu sa DXDC kang LTO-XI Regional Director Atty. Gomer Dy, sa mga garahian nila gihimo ang pag-check ug dili na sa mga terminal.

“Adtuan lang namo para tuloy-tuloy na siya sa terminal kung dili siya makapasa bilin sa garage ang bus,” sumala ni Dy.

Matud ni Dy anaa sa 25 ka mga enforcers ang musuroy sa tanang mga bus ug van terminals sa dakbayan.

“Kita gani nato nga ang tire kalbo na ang tire dili gyod na kalarga,” matud ni Dy.

Dugang ni Dy nga sa pagpanguna sa Philippine Drug Enforcement Agency (PDEA-XI) ikasa nila ang random drug test sa mga drayber.

“Before the driver can take the driver’s seat i-drug test siya,” segun ni Dy.

Buot nilang masegurado nga walay mga drivers nga nakadroga subay sa taho nga adunay pipila nga gahithit aron dili duawon og duka kung lagyo ang ginabyahian.

RadyoMaN Aimee Guinita

Facebook Comments