Davao City – Humanon karong tuig 2022 sa Land Transportation Office (LTO-XI) ang 4, 000 nga back log sa pagrehistro sa mga sakyanan sa tibuok Davao Region.
Sa interbyu sa DXDC RMN Davao kang Niel Cañedo, LTO-XI Regional Director, ilang paningkamutan nga mahuman ang maong backlog hangtod sa bulan sa December ning tuiga.
“Akong gihangyo ang katawhan ug motorista nga baon lang ta og pasyensa gamay kay humanon gyud namo kutod December para pagka January human na wa nay backlog”, saysay ni Cañedo.
Matud ni Cañedo, available na usab ang 2018 plate number sa mga motor ug mamahimo nang kuhaon sa ilang buhatan (LTO-XI).
RadyoMaN Don Pulayao
Facebook Comments
