Davao City – Gi-anunsyo karon sa Land Transportation Office (LTO-XI) nga adunay 6,435 ka mga pares sa plaka ang wala pa na claim naka rehistro kaniadto pang Hulyo 2016 hangtod Disyembre 2018 ug mamahimo ka kining madungagan .
Subay niini, nanawagan karon si Jun Antonio, hepe sa Law Enforcement Division sa LTO-Xl, nga i-claim na kini sa mga operators o owners sa sakyanan sabay bahad nga nagapanakop na ang ilang mga personahe sanglit dugay na kaayo nila kining pahimangno.
Gipasabot ni Antonio nga naka Temporary restarining Order (TRO) sa gihapon ang mga nakarehistrong four wheel vehicles una pa man ang Hunyo 2016 gumikan sa kapakyasan sa manufacturer nga magbayad og buhis sa Bureau of Customs.
Gani saysay niini nga bisan aduna silay plate number, mag angkon lamang kini ug virtual plate ug wala nay madawat nga original plate.
“As of now wala ta kabalo unsay status karon pero naa mi nadungog nga gina workout na sa central office so basin makakuha na sila og bag-ong plaka,” matud niini.
Samtang gibutyag sa maong hepe sa Law Enforcement Division sa LTO-Xl nga sa mga nag apply og duplicate plates gumikan sa nangawala nga plaka, adunay muabot nga 444 boxes sulod sa kapin 11,000 ka mga pares sa plaka karon na semana.
Kinahanglan lamang buhaton mao ang pagdala sa ilang ORCR atol sa pag claim sa plaka.
RadyoMaN Jason Amisola
