Sa interbyu sa DXDC RMN Davao kang Neil Cañedo, Regional Director sa LTO-Xl, giingon niya nga sukad niadtong bulan sa Enero hangtud Marso adunay 29 ka colorum vans ang nadakpan apil na sab mga bao bao diin base sa ilang datus moabot sa 57 ka mga colorum nga sakyanan ang nadakpan sa LTO-XI.
Segun ni Cañedo, lakip sa gitutokan ang mga fixers nga nagkuha og lisensya sa Region 12 gani adunay van nga nadakpan nga ang mga pasahero mga aplikante nga magkuha og lisensya sa laing rehiyon.
“Ang kanang colorum pasabot kana nga walay prankisa nga mobiyahe mao nga ginasultihan nato ang atong kaigsuonan nga dili mag patronize kanang mga colorum. Kanang colorum nga mga sakyanan inig madisgrasya mo, dili mo refundnan,” sulti ni Cañedo.
Subling nagpahimangno si Cañedo sa mga drayber ilabi na sa mag renew sa ilang lisensya nga dili moduol og mga fixer tungod inay moduol LTO-Xl nga kanunay andam motabang sa pagproseso.
RadyoMaN Don Pulayao
