Davao City- Subling nanawagan ang Land Transportation Office kun LTO XI ngadto sa mga buot mukuha og plastic driver’s license cards ug sa mga wala nakatiwas sa pagproseso sa ilang mga driver’s license nga abri ang ilang mga satellite offices kada adlawng Sabado.
Kini ang panawagan ni LTO XI Regional Director Atty. Gomer Dy diin sumala pa, mamahimong muadto lang sa LTO satellite offices nga nahimutang sa Davao del Sur, Davao del Norte, Comval ug mismo dinhi sa syudad sa Davao.
Abri ang buhatan sa LTO gikan alas 8 sa buntag kutob alas 12 sa udto kada adlawng Sabado aron mu-cater sa buot mu-proseso sa ilang mga lisensya ug aron makibhangan ang backlog sa bag-ong mga lisensya.
Dugang ni Atty. Dy nga gamay ra kuno ang naga-adto sa buhatan gani duna pay lugar ilabi na sa Davao del Sur nga wala kaayo nagaproseso og mga lisensya diin sumala pa sayang lang kuno ang gibayad sa mga nag overtime nga mga personahe sa LTO kung walay mukuha o magproseso sa ilang mga driver’s license.
RadyoMaN Paul Canono
