LTO-XI: Wala pay schedule sa pagrelease sa plate number sa mga mall

Davao City – Wala pay schedule sa pagrelease sa mga plate number sa mga Malls sa tibuok Davao region, segun sa Land Transportation Office (LTO-Xl).

Sa interview sa DXDC RMN Davao kang Ellanor Calderon, Assistant Regional Director sa LTO-Xl gibutyag niini, karong Agusto 12, 2023 adunay himuong distribution sa mga plate number nga ipahigayon sa Regional office compound sa LTO-XI, Davao City.

Subling nagpahimangno si Calderon sa mga Dabawenyo, ilabi na sa mga motorista nga wala pa nila makuha ang plate number sa ilang sakyanan, mamahimo na kining makuha sa ilang buhatan.

Kahinumduman, gipahibalo sa Land Transportation Office aron masulbad ang backlog sa plaka, mao ang posebilidad nga mo-tap sa mga Malls, aron magselbing distribution centers sa wala ma-claim nga mga plate number, subay sa direktiba sa Department of Transportation (DOTr) alang sa paspas nga pagrelease niini.

RadyoMaN Don Pulayao