Simula bukas, October 27, dalawang linggong isasailalim sa lockdown ang Lubang Island sa Occidental Mindoro.
Kasunod ito ng pagtaas ng COVID-19 cases sa lugar.
Ayon kay Mayor Michael Orayani, suspendido rin muna ang operasyon ng passenger sea vessel na galing at patungo sa munisipalidad hanggang November 4 matapos na magpositibo sa virus ang isa nitong crew.
Tiniyak naman ng alkalde na sapat ang kanilang isolation facilities.
Una rito, iniulat ng OCTA Research Group na tumaas ng 580% ang kaso ng COVID-19 sa Lubang Island habang mayroon itong 3.61 reproduction number.
Facebook Comments
