Lubong ni Ozamis City Mayor Reynaldo Parojinog karong adlaw’ng Martes na.

78

Pagadian City, Zamboanga del Sur——–Giatngan na sa katawhan sa siyudad sa Ozamis ug kasikbit nga mga kalungsoran ang lubong ngadto sa pamilyang Parojinog nga unang nakabsan sa kinabuhi human nahitabo ang madugoong raid sa ilang panimalay nga gikamatay ni Ozamis City Mayor Reynaldo Parojinog Sr, asawang si Susan ug igsuon nga si Boarmember Octavio Parojinog Jr ug laing 13 pa ka mga kaubanan.
Karong adlaw’ng Martes, Agosto 15, 2017 laumang ihatud na sa iyang katapusang pahulayan si kanhing Ozamis City Mayor Reynaldo Parojinog diin dili sab idungan ang lubong sa iyang asawa nga si Susan ug igsuon nga si Boardmember Octavio Parojinog Jr, human madilatar ang paglubong sa dihang gibasura sa korte ang hangyo sa mga Parojinog nga makatambong si Princess Nova ug iyang igsuon nga si Reynaldo Parojinog Jr sa lubong sa ilang mga ginikanan.
Usa sa mga gitumbok nga rason sa korte nganong gibasura ang ilang hangyo tungod matud pa sa siguridad sa ilang pagpauli sa Ozamis City human ang kamatayon sa ilang mga ginikanan nga maoy usa sa mga gitumbok nga rason ni Executive Judge Edmundo Pintac ilalom sa Regional Trial Court Branch 15 ang urgent motion for furlough.
Hangtud karon nagpabiling anaa gihaya sa Covered court sa Barangay San Roque, Lawis siyudad sa Ozamis ang magtiayong Parojinog samtang hinay-hinay na sab nga gihatud sa ilang katapusang pahulayan ang ubang mga nangamatay atol sa raid samtang sa imaging semana sab gilubong ang cameraman sa Lumad TV nga si Jr Millanar. (Mel Coronel/Kenneth Alvin Bustamante/dxpr News team)

Facebook Comments