Pagadian City – Giduaw sa ilang mga pamilya ang lubong sa duha ka sakop sa Philippine National Police-Special Action Force, nga nakalas sa maduguong engkwentro sa Mamasapano, Maguindanao.
Karong adlawa mao ang ika-upat ka tuig nga kasumaran sa maong engkwentro nga gikamatay sa 44 ka tropa sa Special Action Force diin duha kanila pulos taga- Zamboanga del Sur.
Mihalad og bulak, nisindi og kandila ug nilitok sa pulong pag-ampo nga makab-ot ang hingpit nga hustisya ang mga niduaw sa lubong nila ni Police Senior Inspector John Garry Erana ug PInsp. Rennie Tayrus.
Kun mahinumduman sa nilabay nga tuig nanawagan si Rico Erana ang amahan ni Police Senior Inspector Erana, nga tumanon sa gobyerno ang gisaad nga tabang alang kanila.
Naglaom usab ang pamilya ni Irana nga mudagan ang kaso nga ilang gisang-at ug paspasan ang sistema sa gobyerno arun masilutan ang mga tag-as nga opisyal nga nagpaluyo sa operasyon sa mamasapano.
