Nagpatabang na sa Philippine National Police ug Task Force Davao ang Comelec District Office tungod sa labihang pagdasok sa mga kandidato ug mga supporters niining unang adlaw sa filing sa Certificate of Candidacy.
Sumala ni Atty Gay Enumerables, Assistant Regional Director sa Comelec XI nga angayn na nga ikontrol sa mga security forces ang pagsulod sa mga aspirant nga Baragay Kagawad, Sanguniang Kabataan ug Kapitan tungod kay labihang nang piota sa tugkaran sa Comelec District Office.
Matud ni Enumerables nga dili dawaton sa Comelec ang COC sa usa ka kandidato kun dili kini registered sa Barangay ingun man sa SK nga mulapas sa pangidaron nga 24 anyos.
Gitumbok sa opisyal sa Comelec ang numero 8 maoy usa sa mga rason nganong naniguro ang mga kandidato sa pagfile sa ilang COC karong adlawa kay buenas ang pitsa nga Agosto 28, 2023.
RadyoMaN Erin Lumosbog
Facebook Comments
