Naging matagumpay ang ginanap na taunang Christmas tree lighting activity ng Radio Mindanao Networks (RMN) kahapon.
Sa tema na “Ningning ng Pasko,” sabay-sabay na pinailawan ng lahat ng RMN at iFM stations sa buong bansa ang kani-kanilang mga Christmas tree.
Dito ay inanunsiyo na rin ang tatlong maswerteng nagwagi sa “Libreng Lipad” promo na handog ng AirAsia Philippines.
Ito ay sina Bryan Antiller na pangarap daw dalhin ang kaniyang ina sa isla ng Boracay para makapagbakasyon.
Sa Davao naman gustong makarating ni Armie Cruz upang mabisita ang ilang magagandang tanawin na dinarayo ng mga turista.
Habang nais ng ikatlong winner na si Analou Sotes-Dayday na makasama ang kaniyang magulang na nasa Negros Occidental ngayong kapaskuhan.
Nagwagi rin ang tatlong rmn employees na sina Julie dela Cruz ng iFM Iloilo, Tintin Gamay ng iFM Gensan at Jewel Ann Madayag ng RMN Manila.
Samantala, nagkaroon din kahapon ng mga palaro at namahagi ng premyo katuwang ng ating sponsors na Smart Dishwashing Paste, Unique Toothpaste, Pride Detergent Powder, charm Fabcon at White Rose Papaya.
