Luha nin kaogmahan. Ini an namate ni Lola Conchita Carpio matapos maresibe na kasuodma an wheelchair na para sa saiyang agom na si Lolo Carlos Carpio, 82 anyos kan Brgy. Catanusan, Minalabac, Camarines Sur. Saro sana siya sa sengkwentang naging benipisyaryo kasuodma sa ginibong wheelchair distribution kan Citizens’ Crime Watch sa pangengenot ni Dating Bokal asin CCW Director General Carlo Batalla.
Segun ki Lola Conchita, haloy niya ng pigmamawot na magkaigwa nin wheelchair an saiyang agom na may kadepisialn na sa paglakaw.
Alagad kan madangog na an ipigtataong wheelchair kan CCW sa paagi kan RMN DWNX, dai kaini pinaglagpas an pagkakataon na magsumiter kan certification hali sa abarangay para makahagad nin wheelchair.
Kasuodma dara-dara na kaini papule sa Minalabac an brand new wheelchair na yaon pa sa laog kan karton.
Kan ini resibihon ni Lola, haros maghanggilid an luha sa saiyang mata sa labi- labing kaogmahan.
Arog man kaini an namate kan tiyahon ni Giane Jake Presbitero kan Barangay Castillo, Cabusao, Camarines Sur. Grade 2 pupil kan Brgy Castillo Elementary School si Giane Jake na inihagad nin wheelchair sa paagi kan School Dentist na si Dr. Fatima Palencia kan Department of Education.
Si Palencia na ang naging instrumento tanganing madara sa istasyon kan DWNX an request mismo kan eskwelahan na makabali sa ipigtataong libreng wheelchair an eskwelang si Giane Jake na otso anyos an edad alagad igwang kaden’an sa paglakaw kaya karga-karga siya pirmi kan saiyang kapamilya ara-aldaw makalaog sana sa eswkela.
Nahiling kan School Dentist an grabeng sakit kan pamilya lalo ta nagdadakula si na si Giane Jake.
Tayming soboot an ipig oopreser na libreng wheelchair kan CCW kaya dinara kaini an surat sa DWNX asin kasuodsma saro si Giane Jaker sa natawanan nin libreng brand new wheelchair.
Inibanan kan tiyahon si Giane Jake pati na kan princip[al na si Madam Mariel Paglinawan kan Castillo Elementary School sa banwaan kan Cabusao.
Naging emosyonal an School Dentist, habang ipig-iistorya kaini an kamogtakan ni Giane Jake asin an sakit kan saiyang pamilya maihatod lang sa eskwelahan an aking may kadepisilan sa paglakaw..
Ini an nagtulod sa Dentist tanganing ihagad nin tabang sa paagi nin wheelchair an nasabing eskwela na kasuodma kabali siya sa sengkwentang nataw’anan kan Citizens Crime Watch sa pangengenot ni Dating Bokal Carlo Batalla.
An Libreng Wheelchair project ay hatod ni Dir. Gen. Carlo Batalla kan Citizens’ Crime Watch sa pakikipagtabangan kan DWNX asin kan SM City Naga.
Kasama mo sa serbisyo punliko, RadyoMaN Grace Inocentes, Tatak RMN!
