Manila, Philippines – Lumagpas sa assets ni President Communications Assistantsecretary Mocha Uson ang kanyang liabilities o mga pagkakautang habang lumago pa ang yaman ng ilan sa kanyang mga kasamahan sa Presidential Communications and Operations Office (PCOO).
Base sa mga dokumentong natanggap ng *Philstar* sa Malacañang, nakadeklara sa 2017 Statements of Assets, Liablities and Networths (SALN) ni Uson ang P3.65 million na halaga ng assets at P4.205 million na liabilities.
Nagresulta ito ng negative networth na higit 500,000 piso mula noong December 31, 2017.
Nasa 3.36 million pesos ang halaga ng iniulat na real properties ni Uson habang nasa 290,000 pesos naman ang kanyang personal properties.
Ito naman ang idineklarang networth ng ilan sa mga opisyal ng PCOO kabilang sina:
Asec. Ramon Cualoping III – p6.3 million
Asec. for Special Concerns Joseph Lawrence Garcia –P2.32 million
Asec. for Operations and Legislative Affairs Ana Maria Banaag – P4.436 million
Asec. for Content and Messaging Rachel Queenie Rodulfo – P3.4 million
Asec. for Policy Michael Kristian Alban – P1.8 milion
Asec. for Media Accreditation and Relations Florentino Loyola – P4.17 million
Usec. for Good Governance George Apacible – P48.41 million
Usec. for Media Accreditation Feducia Mia Lucas – P3.55 million
Usec. for Legal Affairs Marvin Gatpayat – P3.599 Million
Usec. for New Media and External Affairs Lorraine Badoy – P2.556 million
Si PCOO Sec. Martin Andanar naman ay mayroong 158.8 million pesos na halaga ng networth.
