LUNA: Minimum age of criminal responsibility (MACR) di paubsan

27

Davao City – Gibarugan sa usa ka Non-Government Organization (NGO) dinhi sa Davao City nga di na angay pa paubsan ang edad sa mga batang masilotan tungod nakabuhat og krimen.

Subay kini sa gihisgutan nga balaod bahin sa pagpaubos sa minimum age of criminal responsibility (MACR) gikan 15 anyos ngadto sa 12 anyos diin kini gituki nila RadyoMaN Misel Miral Galve ug Atlanta Yap, Program Officer of LUNA Legal Resource Center for Women and Children atol sa Serbisyong Straight to the Point Interview sa ‘Ikaw ug ang balaod’ segment.


Sumala ni Yap nga di makaayo sa bata ang pagkulong kanila panahon nga makahimo og sala kun krimen gani matud niya nga kinahanglan protektahan ang katungod sa mga bata ug magbuhat og mga palisiya nga matutukan og unsa ang pinakamaayo alang kanila.

Dugang niini, nanghinaut karon ang LUNA nga mahatagan og pagtagad sa gobyerno ang Bahay Pag asa diin imbes nga prisuhon, ibutang ang mga bata sa rehabilitation ug re integration program.

Samtang gipahinumduman niini ang mga ginikanan nga angay giyahan, bantayan ug disiplinahon ang mga anak aron malayo sa mga di maayong buhat nga posibleng maoy rason nga mahitumpawak ang ilang mga pandandoy sa kinabuhi.

Alang sa mga nangita og asistinsya kalabotan sa maong gihisgutan, mamahimong muadto sa Luna Legal Resource Center for Women and Children, Inc. nga nahimutang sa Quirino ning syudad o mutawag sa ilang contact number nga 222-3448.

RadyoMaN Renz Barbarona

Facebook Comments

From Advertisers