Lungsod Ng Koronadal Handa Na Sa Paghost Ng Nspc

7

KORONADAL – Handa na ang syudad sang Koronadal sa paghost sang National Schools Press Conference nga magaumpisa sa Pebrero 22 tubtob Pebrero 26 subong nga tuig.Suno kay City Schools Division Supt. Leonardo Balala plastado na ang katorse ka mga belliting schools kag pipila ka kinahanglanon sang dise syete ka mga rehiyon sa pungsod.Dugang pa ni Mr. Balala nga nagsulat naman sya sa pamunuan sang National Grid Corporation kag South Cotabato Electric Cooperative ukon Socoteco 1 nga kon mahimo wala sang ipatuman nga brown-out sa mga belliting schools kag contest venue sa masunod nga semana.Ini matapos nga ginapatuman sa subong sang Socoteco 1 ang isa ka oras nga power curtailment tungod sa kakulangan sang supply sang kuryenti.Ginpasiguro nya man nga may bastante nga supply sang tubig sa mga belliting schools tungod tigayon naman sila nga nagcoordinate sa pamunuan sang City of Koronadal Water District kag Bureau of Fire Protection.Ginkumpirmar man sang Dep. Ed. opisyal nga may pipila na ka delegasyon ang nag-abot, matapos nga nagalab-ot sa masobra 5 thousand ang ginaekspektar nga participants nga mag-abot dire sa syudad sang Koronadal kabahin sang patigayunon nga NSPC sa masunod nga semana.

Facebook Comments