Ikinasa ngayong araw ng PESO Las Piñas ang Community Job fair sa Mary Mother of the Church Parish, BF Resort Village Barangay Talon na nagsimula kaninang alas- 9:00 ng umaga at matatapos ng alas-3:00 ng hapon.
Ayon sa Las Piñas Local Government Unit (LGU), inaasahan na nila na daan-daan ang magpupunta ngayong araw at ine-expect na mas dumami ang bilang ng mga hired on the spot at magkakaroon ng trabaho.
Sa ngayon, nasa higit 10 agencies ang nag-aalok ng mahigit 1,000 trabaho.
Patuloy naman ang panghihikayat ng PESO Las Piñas sa lahat ng mga gusto pang magtungo at mag-apply hanggang alas-3:00 ng hapon ay pwede pang magpunta at huwag kalimutan magdala ng inyong resume at ballpen maging ang ibang dokumento para sa mabilis na proseso ng pag-a-apply.
