Bayog, Zamboanga del Sur – Human gideklara nga luwas na sa iligal nga druga ang 23 ka barangay sa lungsod sa Bayog ning probinsya sa Zamboanga del Sur gikatakda nga madeklarar nga drug-cleared ang maong munisipyo karung adlaw nga lunes.
Kini gumikan kay ang nahibiling 5 ka barangay sa maong lungsod ang ulahing nga gikatakda nga ideklarar nga drug-cleared sa oversight committee.
Sa interview sa RMN Pagadian kang Mayor Leonardo Babasa Jr.ang mayor sa nahisgutan nga lungsod gibutyag niini bisan paman og i-deklara na nga drug cleared ang maong lungsod apan gikinahanglan gihapong i-monitor aron masiguro nga wala nay operasyon sa gidiling droga.
Aminado ang mayor nga dako og tabang ang mga opesyalis sa barangay ilabina ang aktibong partisipasyon sa Barangay Anti-Drug Abuse Council o BADAC.
Gisugid ni Babasa nga ang mga gidili nga droga nga mikatag sa ilang lugar kaniadto gikan sa Malangas nga sakop sa Zamboanga Sibugay ug ang pipila gikan sa syudad sa Ozamis.
