Mutia- Taliwala sa mga hulga sa walhong grupo sa lungsod sa Mutia sakop ning atong probinsya sa Zamboanga del norte human nga adunay migawas nga taho nga kung diin matod pa adunay pagahimoon nga pagsulong sa buhatan sa kapulisan sa maong lungsod.
Subay sa pakighinabi ning inyong tigbalita ngadto sa ilang hepe, matod pa ni P/Insp. Antonio Tapales, malinawon man ang ilang lungsod ug wala silay nakita nga mga kadudahan.
Gani dugay na kana nga mga taho, kaniadto pa ang nahisgutang nga pagpahulga nga adunay himoon matod pa nga pagpangsulong saysay pa sa ilang hepe.
Malinawon matod pa ug walay mga krimen sa ilang lungsod sa pagkakaron.
Pero wala kini nila gipasagdan nga impormasyon tungod kay ila kini ge prayoridad sa pagkakaron ilabi na nga adunay silingan nga mga lugar sakop sa Misamis Occidental nga mao ang lungsod sa Don Victoriano ug lungsod sa Conception, kahibaloan nga adunay mga barangay nga anaa ang sightings sa NPA*.*
Matod niya nga lauman gihapon ang posibilidad nga pagsulong sa mga rebelde sa ilang lungsod tungod kay sikbit lang nila ang mga lugar nga anaa ang presensya sa daghang NPA.
