Lungsod sa Sirawai, makadawat ug 10M alang sa financial assistance para sa pagsementosa dalan

20

Isip paghatag ug dugang kalambuan sa lungsod sa Sirawai, makadawat i ug P10,000,000 isip ayudang pinansyal gikan sa kagamhanang probinsyal sa Zamboanga del Norte.

Kini human gi-aprubahan sa Sangguniang Panlalawigan ang resolution nga gipasupot ni 3rd District Board Member Venus Uy sa paghatag ug pagtugot sa gobernador sa pagpirma sa Memorandum of Agreement (MOA) sa ngalan sa kagamhanang probinsyal sa paghatag sa maong kantidad.


Kini alang sa pagsemento sa Culasian nagdto sa Motong barangay road sa lungsod sa Sirawai.

Ang paghatag sa probinsya sa maong ayudang pinansyal base usab kini sa Resolution No. 4, series of 2020 sa Sangguniang Bayan sa Sirawai nga naghangyo sa maong kantidad alang sa maong katuyuan.

Gisaysay sa maong resolution nga ang Barangay Culasian ug Motong adunay halapad nga kayutaan nga angayan tamnan.
kini kung adunay saktong dalan, masayon na unya sa mga mag-uuma sa paghatud sa ilang produkto ngadto sa kamerkadohan alang sa ilang dugang kita.

Tungod niini si Governor Uy wala nagmakuli sa paghatag niini ilabi na alang sa kalambuan dili lamang sa maong lungsod kondili lakip na usab sa probinsya.

Hinuon isip pag-amping sa maong kantidad, ang probinsya sa Zamboanga del Norte nag-obligar sa maong lungsod sa pagsumite sa regular liquidation reports sa tanang nagasto pinasikad sa accounting procedures. (PIC-mbmontederamos)




Facebook Comments