Tapaz, Capiz- Pilason ang duha ka persona matapos nga nabun-an sa ginapatigayon nga Halloween disco party sa Brgy San Nicolas banwa sang Tapaz ala 1:45 sang kaaganhon.
Lunsay ginpangdangat sa separado nga ospital sa syudad sang Iloilo ang mga biktima nga sanday Reymark Gimoto y Gahum, 28-anyos kag Reyngie Gallenero y Garbosa, 20-anyos ang pang-edaron. Ang mga ina ang lunsay mga residente sang Sitio Mawang Brgy. Candelaria, Tapaz, Capiz kag nagpangayaw lamang sa amu nga lugar.
Natigayon naman nga madakpan sang mga kapulisan ang mag-amay nga suspek nga sanday Paterno, 58-anyos kag anak sini nga si Gerald Focbit, 23-anyos samtang nakapalagyo naman ang isa sa suspek nga si Jeren Focbit.
Base sa imbestigasyon sang mga kapulisan, nagluntad ang indi paghangpanay sa tunga sang mga suspek kag biktima samtang nagakinasadya ang tanan sa amu nga halloween disco.
Padayon pa ang imbestigasyon sang mga kapulisan sa nasambitan nga insidente.
