Lupaz nagpatuman og nilahugay sa 7 ka mga Police Officers sa DCPO

Davao City- Gipanguluhan ni Davao City Police Office Director Police Col. Alberto Lupaz ang turn-over of Command ceremony sa Police Station Commanders ug Unit Officers niadtong October 14, 2023 sa DCPO Sandigan Hall, Camp Captain Domingo E Leonor, San Pedro Street Davao City.

Gi-relieve isip Bunawan Police Station Commander si Police Major Robel Saavedra ug nabutang kini sa Office of the City Director (OCD).

Samtang nipuli nga commander sa Bunawan Police si kanhi Sasa Police Station Commander Police Major Jake Goles.

Gikan sa Tugbok Police Station nabalhin nga commander sa Sasa Police si Major Carol Jabagat ug gi-designate si Police Major Jimmy Evangelista isip bag-ong commander sa Tugbok.

Nabutang usab sa Office of the City Director (OCD) si Police Major Ricky Obenza nga kanhing station comnander sa Calinan Police Station.

Nipuli nga station comnander sa Calinan gikan sa Los Amigos si Police Major Alberto Abella samtang gikan sa San Pedro Police Station nilingkod usab nga Station Commander sa Los Amigos si Police Major Marc Hedssel Culaste.

Gibutyag ni Police Captain Hazel Tuazon, DCPO Spokesperson, gihimo ang reshuffling sa mga opisyales sa haduol nga eleksyon ug tagaan usab og tsansa ang ubang mga police officials nga makalingkod nga station commanders.

RadyoMaN Aimee Guinita