Sa interbyu sa DXDC RMN Davao kang Police Col. Alberto Lupaz, DCPO City Director, wala pay nipatim-aw nga saksi subay sa insidente.
Nagpabiling naka-status quo ang imbestigasyon sa kalit nga pagkawala sa house helper.
Segun ni Lupaz walay solidong ebidensya pa karon nga maka-link nga adunay kalabutan si Police Major Michael Uyanguren sa pagwala ni Justine Mae.
Matud niini mag-convene og balik ang Special Investigation Task Group (SITG) kung adunay development sa kaso nga makalap ang mag investigators.
Sa kasamtangan, walay napasakang kasong kriminal kang Major Uyanguren apan nag-atubang kini og kasong administratibo partikular na conduct unbecoming of public officer diin gikatakdang muatubang kini sa summary hearing sa Police Regional Office 11.
RadyoMaN Aimee Guinita
