Davao Oriental – Gi-secure sa Lupon Municipal Police Station ang nangasunog nga mga establisemento niadtong Sabado sa Rizal St., Barangay Poblacion, Lupon, Davao Oriental.
Nilungtad og lima ka oras ang pagpalong sa mga kabomberohan sa kalayo diin mokabat sa P5,000,000 ang natalang damyos sa insidente.
Sa interbyu sa DXDC RMN Davao kang PLT. Rudy Duaran, Lupon Municipal Police Station Deputy station commander, nag-deploy sila og kapulisan sa nasunog nga area aron mabantayan ang mga kagamitang pwedi pang ma-retrieve.
“Sugad atong pagkasunog, 24 hours naa tay gibutang nga didto nga mga naka-detail nga mga police officers at the same time naa poy augmentation sa 66th IB nga usa ka team nga nag-assist sa ato ug BPAT sa Poblacio, mao niy nag-man sa seguridad sa mga kabtangan nga naa pa sa sulod nga posibleng makuha pa sa mga tag-iya,” sumala niini.
Nagpadayon pa gihapon ang imbestigasyon sa pagsuta sa hinungdan sa sunog nga nagsugod sa Alkemche Bakeshop ug nikaylap kini sa lain pang mga commercial buildings nga KBL Corporation, Jay Marketing ug Allan General merchandise nga ginama sa concrete ug light materials hinungdan nga paspas usab ang pag-ulbo sa kalayo.
Sumala ni Duaran walay casualty o injured sa nasangpit nga insidente.
RadyoMaN Aimee Guinita
