Angay nga magmatngon ang mga trabahante sa gobyerno
Istriktong gimando sa atong buotan ug kugihang pangulo
Gidili na ang pagsulod sa mga lugar sugalan sama sa casino
Busa ang pahimangno isil-sil sa alimpatakan mga empleyado.
Ang pahimangno ni Digong sa tanan diay iyang gi-kuredas
Lakip mga opisyal sa gobyerno kun manugal grabe ka waldas
Kun maka largada sa derby ang kwarta way hubas hubas
Labinag mu-Casino ug makapusta ang kwarta nagawas-awas.
Tungod sa deriktiba malutas gyud ning mga nabuang sa sugal
President Duterte sa iyang mando wala gayud magbugal-bugal
Sa sugal gamay daog ug mas daghan ang pildi kalami ipamunal
Ang uban raba inig ka posoy mura gyud Og iro nga naghal-hal.
Tungod sa dili maayo nga bisyo makahimo kana ug dili mao
Dako ang posibilidad nga ang panerbisyo apilan ug minaldito
Ilabina ug wala kanay ikapital sa imong bisyo bisan og piso
Buot lamang ni Digong nga ayuhon ang imong pagkatawo.
RadyoMaN Erin Lumosbog
