Davao City – Nunot sa aksidente pagkapusil patay sa kaugalingon ni SPO3 Rosebelt Angkon sa Toril PNP sa miaging gabii, nagpahinumdom si DCPO Director Police Senior Superintendent Alexander Tagum ngadto sa iyang mga ginsakpan mahitungod sa luwas nga paggunit ug pagduma sa ilang service firearms.
Matud ni Director Tagum nga kanunay iyang pahimangno sa mga sakop labot sa sakto ug luwas nga pagpahiluna sa ilang mga service firearms.
Gani regular gipailawom ang mga pulis ubos sa DCPO sa markmanship ug gun safety handling training aron sa ingon kanunay mabutang sa ilang huna-huna ang luwas ug sakto nga pagdala sa ilang mga service firearms, dugang sa opisyal.
Gipalanog ni Director Tagum ang mao nga pamahayag aron dili mahitabo sa ubang pulis ang nadangatan ni SPO3 Rosebelt Angkon sa Toril PNP kinsa naunay sa iyang .45 pistol ug naigo sa ulo resulta sa kamatayon sud sa ospital sa Toril sa miaging gabii.
RadyoMaN Joel Viray
