Davao City- Nagpahimangno ang Commission on Elections (COMELEC)11 sa tanang mga kandidato sa 2023 Barangay ug Sangguniang Kabataan Elections nga mag doble amping sa pagpangampanya partikular na sa ga-motorcade.
Kini matud kangn Atty. Gay Enumerables, Commission on Elections (COMELEC)11 Acting Regional Director aron malikayan ug dili na masubli ang disgrasya sama atong nahitabo niadtong Oktobre 21 sa Purok 17, Promise Land, Bunawan Davao City diin usa ka bata ang naangin ug namatay dihang nagbangga ang usa ka kotseng gigamit sa motorcade ug motor.
Segun ni Enumerables, aduna gayuy tulubagon ang maong kandidato sa ilahang nadisgrasya apan dili kini sakop sa eleksyon offense.
Kahinumduman, nipasalig na ang kampo sa incumbent Brgy. Bunawan Proper Kapitan Ronnie Odeña nga abagahon ang galastuhon ug atubangon ang ilahang responsibilidad sa pamilya sa namatay nga bata ug uban pang napagan sa insidente.
RadyoMaN Aimee Guinita
Facebook Comments
