Giawhag ni Dra. Annabelle Yumang, DOH 11 Regional Director ang katawhan nga luwas nga magsaulog uban ang ilahang pamilya dinhi pipila ka adlaw na lang una ang Kapaskuhan ug Bag-ong Tuig dinhi sa Davao Region.
Gisugyot si Yumang nga aron malikayan ang mga firecracker-related injuries dili mugamit og mga pabuto inay sugaton ang Bag-ong Tuig 2024 pinaagi sa mga alternatibong mga pamaagi.
Sumala niini nakatala og 9 ka mga biktima sa pabuto sa pagsugat sa 2023.
Subay niini giawhag ni Yumang nga maghanda og mga healthy ug masustansyang mga pagkaon ug likayan ang pag-inom nga maoy hinungdan sa mga disgrasya sa kadalanan.
Samtang, gibutyag ni Dr. Antonio Solar Jr., Southern Philippines Medical Center (SPMC) Emergency Management Head naka-code white na sila ug preparado sa mga madala sa emergencies ug sagad sa mga madawat nila sa ospital mao ang mga na-stroke nga mga pasyente.
RadyoMaN Aimee Guinita
