ILOILO City – Gin-athag ni Local Youth Development Office head Jason Gregorio nga indi matuod nga wala niya ginatahod si SK Federation Leila Luntao.
Kadungan sini ginpanindugan man ni Gregorio nga maayo ang ila koordinasyon ni Luntao.
Pahayag ni Gregorio gina address gid niya nga councilor si Luntao bilang pagrespeto sa ginpili nga tiglawas sang mga kabataan.
Gindugang pa ni Gregorio nga tanan nga tawo ginahatagan niya sang pagrespeto bilang isa ka bag-uhanon nga empliyado sang syudad.
Samtang nagatawganay man sila ni Luntao kag nagakitaay sa meeting para sa mga programa sang mga kabataan.
Gin-athag lang ni Gregorio nga may mya programa ang LYDO nga indi kinahanglan ang koordinasyon sang SK samtang may kaangay man nga sitwasyon ang sangguniang kabataan.
Ginhimo ni Gregorio ang pahayag matapos ginsiling ni councilor Plaridel Nava nga isa ang LYDO sa lima ka mga opisina sang city government nga hatagan niya sang zero budget sa MOOE bangud sang indi pagrespeto sa SK federation president kag wala pagcoordinate diri.
Photo from web
