Davao City – Gidayo sa pipila ka mga individual ilabi na si Susan Aguilar, 59-anyos, taga Buhangin, ang Davao City Overland Transport Terminal (DCOTT), aron makabenepisyo sa regalong hatud sa RMN Foundation, kagahapong adlawa, September 27, 2023.
Sa pakighinabi sa DXDC RMN Davao kang Aguilar gibutyag niya, human niya madunggan ang programang Ma. Corrina Canoy Feeding Program sa radyo, na-engganyo siya nga motambong aron magpamasahe sa iyang sakit sa likod ug ulo.
Sa kinatibuk-an, malampuson ug generally peaceful ang maong programa nga gilangkuban sa dul-an 200 ka mga porters, drivers, street sweepers, vendors, ug mga pasahero nga maoy mga benepisyaryo.
Ang maong aktibidad subay sa ika-11 ka tuig nga anibersaryo sa Radio Mindanao Network (RMN) Foundation sa tumong nga mapaduol sa katawhan ang serbisyo publiko.
RadyoMaN Ivy Parido
Facebook Comments
